Dagiti Botante

Aplikasion

Ti Aplikasion iti Rehistro ti Botante, mabalin nga aramaten iti damo a rehistro, panangbaliw ti nagan, pagtaengan, ken/wenno pirma.

Dagiti Aramiden:

1. I-printa ti Aplikasion iti Rehistro ti Botante.

2. Isurat ti pudno nga impormasion ken pirmaan ti aplikasion.

3. Ipulang ti kumpleto nga aplikasion iti Dibision ti Eleksion ti County a pagbotosam

Ipulang ti kumpleto nga aplikasion a papel iti Dibision ti Eleksion ti County a pagbotosam iti petsa wenno nasapsapa:

Primary Election: August 3, 2022
General Election: October 31, 2022

Makapagrehistro ti botante iti aniaman nga kanito iti Online Voter Registration System (Rehistro ti Botante iti Internet) wenno iti personal, iti sentro ti serbisyo para botante.

Rehistro ti Botante iti Internet:

Iti panagrehistro online, bisitaen ti olvr.hawaii.gov. Kasapulam ti Hawaii Driver License wenno Hawaii State ID, kasta met ti Social Security Number mo.

Automatik a Rehistro ti Botante iti DMV:

No kayatmo ti agbotos, makapagrehistroka idiay Department of Motor Vehicles no inka agkiddaw ti lisensia ti agmaneho wenno Hawaii State ID. No dati kan a nakarehistro, ti impormasion nga itedmo ket automatik a mausar tapno mapabaro ti nagan ken/wenno addressmo, no kayat mo laketdi.

Mairaman ti rehistro ti botante no ag-apply ka iti beneficio publico kadagiti programa iti Department of Health and Department of Human Services.

Mabalin met ti mangala iti aplikasyon kadagitoy sumaganad:

Kadagiti Post Office
Kadagiti Library ti Estado
Kadagiti Satellite City Hall
Iti kaaduan nga Ahensia ti Estado
Kadagiti Dibision ti Eleksion ti County
Iti Opisina ti Eleksion

Dagiti militar ken U.S. citizen nga agnaed iti saballi a pagilian, ket ti naudi a dati a residensia da ket ditoy Hawaii, makapagrehistro a botante babaen ti Federal Post Card Application (FPCA). Maigiddanda payen ti mangkiddaw a maibuson ti balota iti residensiada iti ruar ti Hawaii. Kitaen ti kanayunan nga impormasion iti Military and Overseas Voting.

No dika nakarehistro sakbay a nalpas ti naikudi a panawen (deadline), mabalin ti mapan iti sentro ti serbisyo para botante tapno dumawat iti “same day” voter registration. Kayatna a sawen, agrehistro ken agbotoska a personal, iti maysa nga aldaw. Daytoy ket mabalin manipud iti sangapulo nga aldaw sakbay ti panagbobotos, ken iti mismo nga eleksion. Ket no nakarehistrokan, dimon kasapulan ti mangpabaro iti rehistrom para iti sumuno nga eleksion, malaksid no nagsukat ti impormasionmo, kas koma ti address ti balay, address a pagsangpetan ti surat, wenno naganmo.

Siasinoman a mangted iti palso nga impormasion iti deklarasyon (affidavit) ti agrehistro nga agbotos, mabalin a makabasol iti Class C felony, ket madusa iti saan nga agsurok iti lima (5) a tawen iti pagbaludan, ken/wenno multa nga sangapulo ribu a dolyar ($10,000). HRS §19-3.5.

↑ Agsubli iti ngato



Sinno ti mabalin nga agbotos?

Amin a rehistrado a botante ditoy Hawaii, automatik a maawatda ti balota a naibuson, iti mapattapatta a sangapulo ket walo (18) nga aldaw sakbay ti eleksion.

Ti agrehistro nga agbotos ditoy Hawaii, nasken nga:
U.S. Citizen. Siasinoman a di U.S. citizen, uray pay no U.S. national, ket saan a kalipikado.

Residente iti Estado ti Hawaii
Saan a gaputta agindeg ditoy Hawaii ti tao, automatik a residente isunan. Nasken nga inrantana a pagbalinen a residensia legalna ti Hawaii, ken akuenna amin nga pagrebbengan a kaibatugan dayta a residensia.

Sangapulo ket walo (18) wenno ad-adu ti tawenna.
Ti tao nga agtawen iti sangapulo ket innem (16), palubosan ti linteg ti Hawaii nga agparehistro iti panagbotos. No madanonan ti maika-sangapulo ket walo (18) a tawenna, automatik a mayrehistro ken maibusunan iti balota.

Makapagrehistroka a botante babaen ti panangkumpleto iti Aplikasion iti Rehistro ti Botante, wenno iti Internet, no addaanka iti Hawaii Driver License wenno Hawaii State ID. Itedmo ti aplikasyon iti Dibision ti Eleksion ti county a pagbotosam. Damagen iti Dibision ti Eleksion ti ad-adu nga impormasyon panggep ti rehistro.

↑ Agsubli iti ngato



Pabaruem ti rehistrom

Nasken a pabaruem ti rehistrom no agbaliw ti naganmo, wenno address, iti man pagtaengan, wenno pagsangpetan ti suratmo. Aramiden iti Internet wenno iti panangkumpleto iti Aplikasion iti Rehistro ti Botante, ken panangipulang kadaytoy iti Dibision ti Eleksion ti county a pagbotosam.

Automatik a Rehistro ti Botante iti DMV:

No datika a rehistrado a botante, ken ag-apply ka idiay Department of Motor Vehicles (DMV) iti lisensia ti agmaneho wenno Hawaii State ID, ti impormasion nga itedmo ket automatik a mausar tapno mapabaro ti nagan ken/wenno addressmo iti rehistro ti botantes, no kayat mo laketdi.

↑ Agsubli iti ngato



Panangkansela iti Rehistrom

No kayatmo a maikkat ti naganmo iti lista dagiti agbotos, damagen iti Dibision ti Eleksion ti county a nakayrehistroam.

↑ Agsubli iti ngato



Agrehistro ken agbotos iti maysa nga aldaw

Dagiti Dibision ti Eleksion ti county, ipaayda ti “same day registration” iti sentro ti serbisyo para botante. Iti baro a linteg, agrehistro ken agbotoska a personal, iti maysa nga aldaw. Kasta met a no rehistradoka a botante, mabalinmo a pabaruen ti rehistrom ken agbotos a personal.

↑ Agsubli iti ngato



Dagiti Masansan a Saludsod Panggep ti Rehistro ti Botantes

Kasano a masiguradok no nakarehistroak met laeng a botante?
Mapaneknekam iti Internet no nakarehistroka a botante. Itedmo ti numero ti Hawaii State ID wenno lisensia nga agmaneho ditoy nga estado, kasta met dagiti maudi nga uppat a numero (last four digits) ti Social Security Number mo. Mabalain pay ti yumawag iti 808-453-8683, wenno 808-453-VOTE. Dagiti taga Neighbor Islands kayo, tawagan ti (800) 442-VOTE, wenno 800-442-8683. Kasapulan ti nagan, address ti balay, ken petsa ti pannakayyanak tapno maammuam ti status mo.

Agrehistroak kadi kada eleksion?
Saan. No nagrehistrokan iti naminsan, saanmon a masapul ti agpalista manen. Samo la masapul a pabaruen ti rehistrom no immakarka wenno pinabaliwam ti naganmo a legal.

Immarak iti nabiit. Baliwak kadi ti rehistrok?
Wen, masapul a pabaruem ti rehistrom no immakarka wenno pinabaliwam ti naganmo a legal. Amin a rehistrado a botante ket maibusunan iti pakete ti balota iti mailing address da, isu nga importante ti mangpabaro iti impormasyon mo iti lista ti agbotos. Maaramidmo iti Internet wenno iti panangkumpleto iti Aplikasion iti Rehistro ti Botante, ken panangipulang kadaytoy.

Kasano ti dumawat iti dokumento a mangpaneknek a rehistradoak a botante ti Hawaii?
Damagem iti Dibision ti Eleksion ti county a nakai-rehistroam no kasano ti agkiddaw iti sertifiko ti rehistrado a botante.

Agtawenak iti sangapulo ket innem (16). Mabalinko ti agparehistro nga agbotos?
Ipalubos ti linteg ti Hawaii nga agparehistro iti nasapa ti tao nga agtawen iti sangapulo ket innem (16). Ngem santo laeng makabotos no madanonnan ti sangapulo ket walo (18) a tawenna iti aldaw ti eleksion

Pakaammuandakto kalpasan nga agrehistroak?
Sakbay ti eleksion, maibusunto ti postcard a mangipakita a rehistradoka a botante.

Mabalinko ti agrehistro online?
Wen, mabalin, iti olvr.hawaii.gov. Kasapulam ti Hawaii Driver License wenno State ID, tapno makastrekka iti online system. No awan kenka dagitoy nga ID, mangkumpletoka iti Aplikasion iti Rehistro ti Botante, ket ipulang daytoy iti Dibision ti Eleksion ti county a pagbotosam.

Adda kadi maudi nga aldaw ti panagrehistro online?
Awan, ngem basado kadagiti panawen a panagtaray ti koreo iti kasanguanan ti aldaw ti botos, i-rekomendami a mapankayo kadagiti sentro ti serbisyo para botante tapno masigurado a makabotoskayo. Aglukat dagiti sentro ti serbisyo para botante kadagitoy a petsa:

English: Primary Election: August 1 – 13, 2022 (excluding Sunday)
Eleksion a Primarya: Agusto 1 – 13, 2022 (puera Domingo)

Natalged met laeng ti panagrehistro iti Internet?
Wen. Ti online voter registration system ket mamantener iti Hawaii State Government Private Cloud, nga imatmatonan ti Office of Information Management and Technology.

↑ Agsubli iti ngato



Dagiti Programa a Pangawis kadagiti saan a Rehistrado

Agyamankami iti reggetyo a mangpaadu kadagiti agbotos babaen ti tulongyo iti rehistrasion ditoy Hawaii.

Dagitoy ti pagannurutan a laglagipen iti itutulongyo iti rehistrasion ti botante:

Nasken nga ipakaammoyo dagiti kalipikasyon kadagiti agparehistro.

Kitaenyo no kumpleto met laeng daydiay aplikasyon ti rehistro. Importante ti kumpleto nga address ti balay, wenno ti pannakailawlawag ti pagyanan ti agbotos, tapno ammo dagiti opisiales ti county no ania a presinto ti rumbeng a pagbotosan ti tao.

No ti aplikante ket awanan lisensia nga agmaneho ditoy nga estado wenno Hawaii State ID, dawatem dagiti maudi nga uppat a numero ti Social Security na. No awan met SSN na, ibagam ta agmarka isuna nga awan ID na, ket mangted ti Dibision ti Eleksion ti county iti ID para botante a kaibatugan ti rehistrasionna.

Panagkiddaw kadagiti materiales

Tapno dumawat iti nakaprinta nga aplikasion, i-klik ditoy, kumpletuen ti Request Form, wenno tawagan ti Opisina ti Eleksion iti (808) 453-VOTE (8683) wenno ag-email iti elections.hawaii.gov.

Sangagasut (100) nga aplikasion ti kada klase ti mabalin a kiddawem kada tallopulo (30) nga aldaw manipud iti petsa ti idadawat.

Panagkopya kadagiti Aplikasion iti Rehistro ti Botante

Mabalin nga i-photocopy ti blanko nga Aplikasion iti Rehistro ti Botante tapno maibunong. Nasken a kopyaen ti entero nga aplikasion, agraman amin a pannakaisuro ti aramiden. Iti panangipulang ti aplikasion iti dibision ti eleksion, nasken nga orihinal ti pirma ti aplikante

Dagiti Rukod ti Kopya:

Ti kopya ket karukod ti orihinal (1:1)
Dagiti pahina ket agrukod iti 8.5 x 11 a pulgada.
Madi mabalin a nasileng ti papelna.
Madi mabalin a makopya iti papel a para periodiko.
Masapul a mai-printa iti puraw a 20 weight bond paper wenno nadagdagsen. Maymayat ti 70lb. text white wove offset.

Konsultaren ti HAR §§3-172-23 ken 3-174-5 tapno ammuen ti kumpleto nga impormasyon panggep ti panagprinta ken panagkopya ti aplikasion.

{insert Applications table}

Ti affidavit iti Aplikasion iti Rehistro ti Botante, adda pasetna para botantes nga addaan special needs, ket ditoy, mabalinda ti agkiddaw iti balota nga elektronika a may-email kadakuada iti kada eleksion. Segun ti linteg ti Estado, maiparit a mairaman, mailaok, wenno mainayon iti aniaman a pamuspusan, kadagiti Aplikasion iti Rehistro ti Botante dagiti materiales para kampanya ken dagiti nakasurat nga impormasyon nga awanan koneksion iti panagrehistro kadagiti botante.

Pannakaipulang dagiti Aplikasion

Irekomendami kadagiti agrehistro nga idiretsoda iti Dibision ti Eleksion ti county-da ti aplikasion a kinumpletoda. No plano ti grupom nga ipulang dagiti nakumpleto nga aplikasion kas tulong kadagiti agrehistro, itedyo dagitoy iti Dibision ti Eleksion ti county.

↑ Agsubli iti ngato