Rekursos

Regulasyon kadagiti Karatula ti Kampanya

Maiparit ti mangtiped iti state highway no awan permiso

Maiparit nga aramiden ti siasinoman wenno aniaman nga ahensia ti gobierno, federal man, state, wenno county, dagitoy sumaganad, iti man pannakaaramid wenno gandatna, no awan ti permiso a naisurat manipud iti director ti transportasyon wenno autorisado a pannakabagina: [m]angipan, mangbangon, mangibati, wenno mangidulin, iti aniaman a pasdek, equipment ti lugan a motorisado wenno sabali a klase ti lugan, wenno aniaman a sabali a banag, kumpletamente wenno parsialmente, iti uneg ti “right of way” ti aniaman a state highway. Ngem, daytoy a paragraph ket saan a mai-apply iti panagiggem wenno panangipakita kadagiti karatula a mabalin nga iyakar, para iti aktibidad a politikal. (HRS §264-6).

Panangkontrol ti Outdoor Advertising

Maiparit a ti siasinoman ket mangbangon wenno mangmantener iti aniaman nga outdoor advertising iti ruar ti beddeng ti right of way ngem makitkita manipud iti kangrunaan a dalan ti aniaman nga state highway wenno highway a napunduan iti tulong a federal, iti las-ud ti Estado, malaksid kadagitoy sumaganad:

Dagiti karatula ti direksyon, dadduma pay nga opisial a karatula, pakdaar

Dagiti karatula, display, ken device a mangiwaragawag iti panangilako wenno panangipa-upa iti sanikua nga ayanda;

Dagiti karatula, display, ken device a mangiwaragawag kadagiti aktibidades a maar-aramid sadiay sanikua nga ayanda; ken

Dagiti karatula a nainkalintegan ti kaaddada idi Oktubre 22, 1965, ket natudinganda a landmark signs (HRS §264-72).

Sadino ken Kaano a Maipalubos

Dagiti karatula a mangdurog wenno mangawis iti panagbotos pabor wenno kontra iti aniaman a tao wenno isyu, ket mabalin a maibangon, mausar, ken mamantener malaksid no maikaniw-as wenno maiparit iti linteg (HRS §445-112).

Ti maysa a daan a bersion daytoy a linteg imparitna ti pannakaipaskil dagiti kasta a karatula iti panawen nga ad-adu ngem uppat a pulo (45) nga aldaw sakbay ti eleksion. Ngem, intuding ti abogado heneral a daydi a bersion ket kontra konstitusyon ken awanan puersa. Att. Gen. Op. 96-4 & Act 194, SLH 2003.

Panangregulasyon dagiti county

Malaksid kadagiti outdoor advertising devices nga autorisado babaen ti section 445-112 (16) ken (17), dagiti nadumaduma a county ket mabalin a mang-adaptar kadagiti ordinansa ti regulasyon kadagiti “billboard” ken “outdoor advertising device” a saan nga iparit ti section 445-111 aginggana 445-121.

↑ Agsubli iti ngato



Opisiales a Naibotos

{insert elected officials table}

 

↑ Agsubli iti ngato



Panangsuppiat iti Eleksion

Ti maysa a kandidato, kalipikado a partido politikal, wenno trenta (30) botantes ti maysa a distrito electoral ket mabalin nga agreklamo iti Korte Suprema. Nasken a ti reklamo ket mangidatag kadagiti rason no apay agsabalinto ngata ti nagbanagan ti eleksion.

TI KASKENAN A PANAWEN NGA ISUSUPPIAT

Nasken a nakasurat ti reklamo ken maited iti opisina ti clerk ti Korte Suprema, iti petsa

Primarya: Agusto 26, 2022, 4:30 pm, no saan a nasapsapa.
Heneral: Nobiembre 28, 2022, 4:30 pm, no saan a nasapsapa.

PRIMARYA ELEKSION

Kalpasan a nayuli ti reklamo, iyetnag ti Korte Suprema ti bilin (summons) kadagiti naisaklang ket nasken a sumungbat wenno ag-responde da, iti alas kuatro media ti malem (4:30 pm) ti maikalima (5th) nga aldaw, wenno nasapsapa, kalpasan a naiyawat ti bilin kadakuada.

Iyetnagto ti Korte Suprema ti huisiona, agraman ti amin a pangeddeng iti puntos dagiti napasamak, ken iti puntos ti linteg, iti alas kuatro media ti malem (4:30 pm) ti maikapat (4th) nga aldaw, wenno nasapsapa, kalpasan ti “return on the summons”. Maikeddengto met no siasinno ti nangabak nga agkandidatonto iti eleksion heneral, wenno siasinno ti nangabak a permi nga awanen ti sabali pay a panagbotos; ket depende dayta iti posision a napagsuppiatan.

HENERAL ELEKSION

Kalpasan a nayuli ti reklamo, iyetnag ti Korte Suprema ti bilin (summons) kadagiti naisaklang ket nasken a sumungbat wenno ag-responde da, iti alas kuatro media ti malem (4:30 pm) ti maikasangapulo (10th) nga aldaw, wenno nasapsapa, kalpasan a naiyawat ti bilin kadakuada.

Awan ti statutory deadline, wenno daytay panawen nga indiktar ti linteg nga isu ti kaskenan a panangyetnag ti Korte Suprema iti huisiona. Dayta ti pagdumaanda iti eleksion primarya. Mabalin nga ideklara ti korte a daytoy a kandidato wenno daydiay a kandidato ti nangabak. Kasta met, mabalin a ti disisyonna ket saan a balido ti eleksion, ket no kasta, ti baro a panagbotos, maangay iti sangagasut ket duapulo (120) nga aldaw kalpasan ti huisio, wenno nasapsapa.

Ti kumpleto nga impormasyon ket adda iti HRS §§11-172, 11-173.5, 11-174.5, ken 11-175.

↑ Agsubli iti ngato