Maipanggep Kadakami

DAGITI HUNTA TI REHISTRO

Dagiti Hunta ti Rehistro, palutpoten ken desisionanda dagiti apela nga agtaud iti pannakapaikkat ti botante wenno iti desisyon ti clerk panggep ti rehistro.

Tunggal Hunta ti Rehistro, agu-ummong iti bukodda a county iti aldaw ti botos. Ti maysa a Hunta, mabalin met nga agtaripnong iti kiddaw ti clerk tapno dumngegda iti apela dagiti rehistrado a botante, ket agtalinaed a nakataripnong agingga nga adda pay apela a denggenda.

Dagiti Kameng

{insert table of members}

Uppat dagiti Hunta ti Rehistro, ket sakupda dagitoy nga isla:

  • Isla ti Hawaii
  • Dagiti isla ti Maui, Molokai, Lanai, ken Kahoolawe
  • Isla ti Oahu
  • Dagiti isla ti Kauai ken Niihau

Ti kada Hunta addaan tallo (3) a kameng a dinutukan ti Gobernador, ket agserbi ti tunggal maysa iti uppat (4) a tawen. Di pulos maipalubos a dagiti kameng ti aniaman a Hunta ket miembroda amin ti maymaysa a partido wenno grupo politikal.

Dagiti susik iti rehistro

Enkaso a madi kayat ti clerk ti mangihusto iti rehistro, wenno mangirehistro iti aplikantte, mabalin a mayapela dayta iti Hunta ti Rehistro.

Pannakapaikkat iti Botante wenno Reklamo kontra Botante

Siasinoman a botante nga adda kalinteganna nga sumrek iti sentro ti serbisyo para botante, mabalinna nga ireklamo ti sabali ket kiddawenna a matiped ti panagbotos daytoy, gapu iti aniaman kadagitoy a rason:

  • Agsabali daydiay a tao ken ti talaga a botante.
  • Awan kalintegan daydiay tao nga agbotos idiay a distrito.

Siasinoman a tao a naireklamo ket maikkan iti gundaway nga agaramid iti umno a panangbalbaliw. Ket no saan, mangeddeng a dagus ti clerk ket maiwaragawag.

Ti reklamo kontra botante a di maaramid iti sentro ti serbisyo para botante, ket nasken a maisurat, ket ilawlawagna dagiti rason a nakaibasaranna, ken pirmado ti agreklamo. Palutputen ken desisionan ti clerk ti naisurat a reklamo iti kabiitan a panawen a possible.

Dagiti Apela iti Hunta ti Rehistro

Ti Hunta ti Rehistro a kaibatugan, denggenna dagiti apela kontra dagiti keddeng ti clerk. Agpada nga addaan kalintegan nga mangyuli iti kaso iti Intermediate Court of Appeals ti botante a nagreklamo (challenger) ken ti botante nga inreklamo ti sabali (challenged voter).

Kasuratan dagiti Proseso

Kada Hunta, mangaramid kadagiti opisial nga akta (official records) a pakaisuratan dagiti kompleto ken detalyado a pakasaritaan ti amin a proseso. Dagitoy ket maidulin iti inaldaw ket maisurat agraman ti petsa ken lugar ti taripnong, dagiti kameng a timmabuno, ti nagan ti siasinoman nga nagsapata, nagan ti nagreklamo, ti keddeng ti Hunta, ken ti aniaman a banag a mabalin a nangapekto iti keddeng ti Hunta, wenno iti siasinoman a simmango iti Hunta.

Para iti kompleto nga impormasyon, konsultaren ti HRS §§ 11-11 aginggana 11-54.

Kontaken Dagiti Hunta ti Rehistro, c/o Opisina ti Eleksion

Boards of Registration
c/o Office of Elections
802 Lehua Avenue
Pearl City, HI 96782

Ph: (808) 453-8683
Email: [email protected]

↑ Agsubli iti ngato



Komision ti Eleksion

Ti Akta Numero 57 (Bill No. HB 267, 2004), binuangayna ti maysa a hunta ti siam (9) a kameng, managanan Komision ti Eleksion, a simmukat iti Hunta ti Eleksion ken Baro a Pannakaamiris dagiti Panagdutok.

Dagiti kameng ti Komision ti Eleksion ket dagitoy:

  • Dua (2) a kameng a dinutokan ti Pangulo ti Senado
  • Dua (2) a kameng a dinutokan ti Mangidaulo iti Minoría iti Senado
  • Dua (2) a kameng a dinutokan ti Pangulo (Speaker) ti Kamara ti Representantes
  • Dua (2) a kameng a dinutokan ti Mangidaulo iti Minoría iti Kamara ti Representantes
  • Maysa (1) a kameng a binotosan ti dua nga apagkatlo (2/3rds) dagiti Komisionado ti Eleksion, kas Mangidaulo (Chairperson).

Ti kada grupo ti uppat (4) a Komisionado ti Eleksion a pinili ti kada maysa nga kamara, kabilangna ti maysa (1) a miembro nga agnaed iti tumunggal maysa kadagiti uppat (4) a county: Hawaii, Maui, Kauai, ken Oahu.

No adda bakante a posision iti Komision ti Eleksion, nasken a ti maisukat ket residente met leng ti county dayta dati a kameng. No awan ti madutukan a sumukat iti las-ud ti sangapulo ket lima (15) nga aldaw, mangdutok ti Chief Justice ti Korte Suprema iti agtugaw.

{insert table of members}

Dagiti Pagrebbenganda

Dagiti Pagrebbengan ti Komision ti Eleksion, a nailanad kadagiti Napabaro a Linteg ti Hawaii (Hawaii Revised Statutes) §11-7.5, ket dagitoy:

  • Mangangay kadagiti foro a publiko;
  • Agpalutpot ken mangangay kadagiti foro a publiko tapno denggenda ti ebidensia ti aniaman a panaglabsing ken reklamo;
  • Mangadaptar kadagiti regulasion, segun ti kapitulo 91;
  • Uray ania ti nailanad iti kapitulo 76, mangpilida iti masueldoan a full-time nga Hefe Opisial ti Eleksion (Chief Election Official), babaen ti bileg ti section 11-1.6;
  • Balakadanda ti Hepe nga Opisial ti Eleksion kadagiti banag panggep ti panagbotos.

Para iti kompleto nga impormasion, konsultaren ti HRS §§ 11-7 aginggana 11-9.

Kontaken Dagiti Komision ti Eleksion, c/o Opisina ti Eleksion

Elections Commission
c/o Office of Elections
802 Lehua Avenue
Pearl City, HI 96782

↑ Agsubli iti ngato